|
اس حماقت کی جوابدہی کے خیال نے اسے اوربھی پریشان کر
رکھا تھا نہیں سب چیزوں کو مد نظر رکھ کر میں نے خود پہلے اس کے خیمے میں جانا منا
سب نہیں سمجھا۔منیجر کو اندربھیج کر میں جالی سے اس کا رد عمل دیکھنے لگا۔ جالی سے
تو تم بھی دیکھ رہے تھے۔“
” بہر حال آج سے میں آ پکا پورا پورا شاگرد ہوگیا۔“ حمید نے کہا۔
” کیا کہا آج سے کیا پہلے نہ تھے۔“ فریدی نے ہنس کر کہا۔
” نہیں پہلے بھی تھا۔“ حمید نے کہااور دونوں خاموش ہوگئے۔ انسپکٹر فریدی آئندہ کے
لئے پرگرام بنا رہاتھا۔
پھاٹک پر کار کی آواز سن کر ڈاکٹر شوکت باہر نکل آیاتھاانسپکٹر فریدی نے سارے
واقعات تفصیل سے اسے بتائے۔
” لیکن اس کا یہ مطلب نہیں کہ تم اب مطمئن ہوجاﺅ۔“ فریدی نے شوکت کے کاندھے پر ہاتھ
رکھتے ہوئے کہا۔” تمہارا اصل دشمن اب بھی آزاد ہے اور وہ کسی وقت بھی تمہیں نقصان
پہنچا سکتا ہے لہٰذا احتیاط کی ضرورت ہے میں فکر میں ہوں اور کوشش کروں گا کہ اسے
جلد از جلد گرفتار کرکے قانون کے حوالے کردوں ۔“
انسپکٹر فریدی کو افسوس ہو ا تھا کہ سرکاری طور پر وہ اس کیس کا نچارج نہ ہو سکتا
تھا۔ ابھی اس کی چھٹی ختم ہونے میں دو ماہ باقی تھے۔ اسے اس بات کا بھی خیال تھا کہ
دوسرے قتل کے بعد سے اس معاملہ میں اس کی دست اندازی کا حال آفیسروں کو ضرور معلوم
ہوجائے گا جو اصو لاً کسی طرح درست نہ تھا۔ لیکن اسے اس کی پرواہ نہ تھی۔ملازمت کی
پرواہ نہ اسے کبھی تھی اور نہ اب۔ وہ خود بھی صاحب جائیداد اور شان سے زندگی بسر
کرنے کا عادی تھا۔ اس ملازمت کی طرف اسے دراصل اس کی افتاد طبع لائی تھی۔ ورنہ وہ
اتنا دولت مند تھا کہ اس کے بغیر بھی امیروں کی سی زندگی بسر کرتا تھا۔
دوسری واردات کے دوسرے دن صبح جب وہ سو کر اٹھا تو اسے معلوم ہوا کہ چیف انسپکٹر
صاحب کا اردلی عرصہ سے اس کا نتظار کر رہا ہے۔ دریافت حال پر پتہ چلا کہ چیف صاحب
اپنے بنگلے پر بے صبری سے اس کانتظار کر رہے ہیں اور پولیس انسپکٹر صاحب بھی وہاں
موجود ہیں۔ فریدی کا ماتھا ٹھنکا۔ لیکن اس نے لاپرواہی سے نا خوش گوار خےالات کو
ذہن سے نکال پھینکا اور ناشتے وغیرہ سے فارغ ہوکر چیف صاحب کے بنگلے کی طرف روانہ
ہوگیا۔
”ہےلو فریدی۔“ چیف صاحب نے اس کا خیر مقدم کرتے ہوئے کہا۔” ہم لوگ دیر سے تمہارے
منتظر ہیں۔“
” مجھے دیر ہوگئی۔ “ فریدی نے بے پرواہی سے کہا۔
” اس وقت ایک اہم معاملے پر گفتگو کرنے کے لئے آپ کو تکلیف دی گئی ہے۔“
پولیس کمشنر نے اپنا سگار کیس اس کی طرف بڑھاتے ہوئے کہا۔
” شکریہ“ فریدی نے سگار سلگاتے ہوئے کہا۔” فرمائےے۔“
” مسٹر فریدی چو بیس گھنٹے کے اندر اس علاقے میں دو عدد وارداتیں ہوئی ہیں۔ ان سے
آپ بخوبی واقف ہیں۔“ پولیس کمشنر صاحب نے سلسلہ کلام جاری رکھتے ہوئے کہا۔” اور آپ
یہ بھی جانتے ہیں کہ تبدیل ہو کر یہاں آئے ہوئے مجھے صرف دس دن ہوئے ہیں ایسی صورت
میں میری بہت بد نامی ہوگی سول پولیس تو قطعی ناکارہ ہے اور معاملہ انتہائی پیچیدہ
ہے ۔ کیا ایسا ہو سکتا ہے کہ آپ اپنی بقیہ چھٹی فی الحال کینسل کرا لیں اور اس کا
میں ذمہ لیتا ہوں کہ قاتل کا پتہ لگ جانے کے بعد میں آپ کو دو کے بجائے چار ماہ کی
چھٹی دلا دوں گایہ میرا دوستانہ مشورہ ہے اس کا افسری اور ماتحتی سے کوئی تعلق
نہیں۔“
” جی میںہر وقت اور ہرخدمت کے لئے حاضر ہوں ۔“ فریدی نے اپنی آرزو پوری ہوتے دیکھ
کر پر خلوص لہجے میں کہا۔
” بہت بہت شکریہ “پولیس کمشنر صاحب اطمینان کاسانس لے کر بولے ” کل رات آپ اپنا
بیان دے کر چلے آئے تھے۔ اس کے بعد نیپالی کے خیمے کی تلاشی لینے پر سات ہزار روپے
برآمد ہوئے جو کم ازکم اس کی حیثیت سے زیادہ
تھے“
|
