|
لیکن تم یہ سوچتے ہوگے کہ پولیس میری باتوں کا اعتبار نہ کرے گی۔ کیو
نکہ میں پاگل ہوں۔“
”نہیں ، نہیں پروفیسر تم جیت گئے تم مجھ سے زیادہ چالاک ہو۔ “ سلیم نے آخری پانسہ
پھینکا” اس رسی کو کاٹ دو میں تمہارے لئے ایک شاندار آبزرویٹری بنوادوں گا۔“
” تمہارا ذہن کسی وقت بھی چالبازیوں سے باز نہیں آتا اچھا میں تم سے صلح کر لوں گا
مگر اس شرط پرکہ تم اس مینار میں کسی راز کو راز نہ رکھو گے اس کے بعد یقین رکھو کہ
تمہارے سب راز مرتے دم تک میرے سینے میں دفن رہیں گے میں اسی لئے تم سے یہ سب اگلوا
رہا ہوں کہ تم نے مجھے بھی بہت دنوں بلیک میل کیا ہے اچھا پہلے یہ بتاﺅ کہ واقعی تم
نے اس نیپالی سے ڈاکٹر شوکت کو قتل کرانے کی سازش کی تھی۔“
”میرے خیال ہے کہ تم اتنا ہی جانتا ہو جتنا میں ہاں میں نے اس کے لئے اس کو روپیہ
دیا تھا۔“
” پھر تم نے اسے قتل بھی کر دیا اس لئے کہ کہیں وہ نام نہ بتا دے۔“
” ہاں لیکن ٹھہرو“
” انسپکٹر فریدی پر قتل کی نیت سے تم نے ہی گولیاں چلائی تھیں ۔“
” ہاں لیکن تم تو اس طرح سوال کر رہے ہو جیسے جیسے“
” تم نے ڈاکٹر شوکت کے گلے میں رسی کا پھندا بھی ڈالا تھا۔“ پرفیسر نے ہاتھ اٹھاکر
اسے بولنے سے روک دیا۔
” پھر تمہارا دماغ خراب ہوچلا۔“سلیم نے کہا” ہاں میںنے پھندا ڈالا تھا“ لیکن پھر اس
نے کہا”تم نے ابھی کہا ہے کے ہم دونوں ایک دوسرے کواچھی طرح جانتے ہیں اس رسی کو
کاٹ دو میں تم سے قطعی خوفزدہ نہیںہوں اس لئے کہ ہم دونوں اب دوست ہیں۔“
” تمہارے ہوائی قلعے بہت زیادہ مضبوط نہیں معلوم ہوتے “ پروفیسر نے کہا ۔ لیکن اس
بار اس کی آواز بدلی ہوئی تھی سلیم چونک پڑا سکڑا سکڑایا پروفیسر تن کر کھڑا ہو گیا
اس نے اپنے سر پر بندھا ہوا مفلر کھول دیا ۔ چسٹر کے کالر نیچے گرادئے اورموم بتی
طاق پر سے اٹھا کر اپنے چہرے کے قریب لاکر بولا۔
” لو بیٹا دیکھ لو میں ہوں تمہارا باپ انسپکٹر فریدی ۔“
” ارے “ سلیم کے منہ سے بے اختیار نکلا اور اسے اپنا سر گھومتا ہو ا محسوس ہونے لگا
لیکن فورا ہی سنبھل گیا اس کے چہرے کے اتار چڑھاﺅ سے صاف ظاہر ہو رہا تھا کہ وہ خود
پر قابو پانے کی کوشش کر رہا ہے۔
” تم کون ہو میں تمہیں نہیں جانتا اور اس حرکت کا مطلب۔“ سلیم نے گرج کر کہا
”شور نہیں،شور نہیں“ فریدی نے ہاتھ اٹھا کہ کہا۔” تم سے زیادہ مجھے کون پہچان سکتا
ہے۔جب کہ تم میرے جنازے میں شریک تھے۔ اس کی تو میں تعریف کروں گا سلیم!تم بہت
محتاط ہو اگر میں اپنے مکان سے ایک عدد جنازہ نکلوانے کا انتظام نہیں کرتا توتمہیں
میری موت کا ہر گز یقین نہیں ہوتااخباروں میں میری موت کی خبر سن کر شاید تم رات ہی
کو شہر آگئے تھے۔ میرے لئے ہسپتال سے ایک مردہ حاصل کرلینا کوئی مشکل کام نہ تھا
ہسپتال سے سے جب لاش میرے گھر پر لائی گئی تھی تم اس وقت بھی وہاں موجود تھے اور
شاید تم نے دوسرے دن قبرستان تک میری لاش کا پیچھا کیا میں تسلیم کرتا ہوں کہ تم اک
اچھے سازشی ضرور ہو۔ لیکن اچھے جاسوس نہیں ۔ تم نے یہ بھی نہ سوچا کہ پانچ گولیاں
کھانے کے بعد با ہوش و حواس پندرہ میل کی مسافت طے کرنا۔ اگر ناممکن نہیں تو مشکل
ضرور ہے اس رات تم نے سارجنٹ حمید کے گھر کے بھی چکر کاٹے تھے۔ لیکن شاید اس وقت تم
وہاں موجود نہ تھے۔ جب وہ نیپالی کے بھیس میں راج روپ نگر اس لئے آیا تھا کہ ڈاکٹر
توصیف کو اس بات کی اطلاع پولیس کو کرنے سے روک دے کہ میں اس سے مل چکا ہوں اور راج
روپ نگر سے واپسی پر یہ حادثہ پیش آیا میں نے ایک بار رپورٹر کے بھیس میں مل کر سخت
غلطی کی تھی ۔ اس لئے کہ تم مجھے پہچانتے تھے اور کیوں نہ پہچانتے جب کے میرا کئی
بار پیچھا کر چکے تھے اس رات بھی تم نے میرا پیچھا کیا تھا۔
|
