جب میں ” نیپالی کے قتل “ کے بعد گھر آرہا تھا پھر تم نے کبڑے کے بھیس میں سارجنٹ حمید کو غلط راہ پر نکالنے کی کوشش کی ہاں میں کہہ رہا تھا کہ تمہیں شبہ ہو گیا کہ میں تمہیں مشتبہ سمجھتا ہوں لہٰذا واپسی پر تم نے مجھ پر گولی چلائی اور رائفل پروفیسر کے ہاتھ میں دے کر فرار ہوگئے ۔ پروفیسر سے گفتگو کرتے وقت میں نے اچھی طرح اندازہ لگا لیا تھا کہ گولی چلانا تو در کنار وہ اس رائفل کے استعمال تک سے ناواقف تھے تم نے مجھے قصبے کی طرف مڑتے دیکھا اس موقع کو غنیمت جان کر تم وہاں سے دومیل کے فاصلے پر جھاڑیوں میں جا چھپے اور تم اسی تانگے پرگئے تھے جو سڑک پر کھڑا تھاتم نے خود ہی مدد کےلئے چیخ کرمجھے اپنی طرف متوجہ کیا پھر تم نے گولیاں چلانی شروع کر دیں اسی وقت میرے ذہن میں یہ نئی تدبیر آئی جس کے نتیجے میں آج تم ایک چوہے دان میں پھنسے ہوئے چوہے کی طرح بے بس نظر آرہے ہو“
انسپکٹر فریدی اتنا کہہ کر سگریٹ سلگانے کے لئے رک گیا۔
” نہ جانے تم کون ہو اور کیا بک رہے ہو“سلیم نے جھنجلا کر کہا” خیریت اسی میں ہے کے مجھے کھول دو۔ ورنہ اچھا نہ ہوگا“
”ابھی تک تو اچھا ہی ہورہا ہے۔“فریدی نے شانے ہلاکر کہااور جھک کر دوربین میں دیکھنے لگا۔
” تو تم نہیں کھولو گے مجھےدیکھو میں کہے دیتا ہوں“
” بس بس زیادہ شور مچانے کی ضرورت نہیںمجھے ڈاکٹر شوکت کا کارنامہ دیکھنے دو“
”دیکھومسڑ“ سلیم تیزی سے بولا” اول تو مجھے یقین نہیں کہ تم سرکاری جاسوس ہو اور اگر ہو بھی تو مجھے اس سے کیا سروکارآخر تم نے مجھے کس قانون کے تحت یہاں باندھ رکھا ہے۔“
” اس لئے کی تم ایک اقبالی مجرم ہو ابھی ابھی تم نے اپنے جرموں کا اعتراف کیا ہے کیا یہ تمہارے باند ھ رکھنے کے لئے کافی نہیں ۔“
” کیا احمقوں کی سی باتیں کرتے ہو“ سلیم نے قہقہہ لگا کر کہا” کیا تم اسے سچ سمجھتے ہو۔“
” جھوٹ سمجھنے کی کوئی وجہ نہیں ۔“فریدی نے دوربین پر جھکتے ہوئے کہا۔
” ہوش کے ناخن لو مسٹر سراغرساں۔“ سلیم نے بولا” کچھ دیر قبل میں ایک پاگل آدمی سے گفتگو کر رہاتھااگر میں اس کی ہاں میں ہاں نہ ملاتا تو وہ میرے ساتھ نہ جانے کیا برتاﺅ کرتا میں اسکی ظالمانہ رحجانات سے اچھی طرح واقف ہوں لہٰذا جان بچانے کیلئے اسکے علاوہ ا ور چارہ ہی کیا تھا واہ میرے بھولے سراغرساں واہ“
فریدی سیدھا ہو کر بیٹھ گیا۔ وہ سلیم کو حیرت سے دیکھ رہا تھا۔
”خیر جو ہوا سو ہوامجھے فوراً کھول دو انسان سے غلطی ہوتی ہے میں وعدہ کرتا ہوں کہ تمہارے افسروں سے تمہاری شکایات نہ کروں گا“
فریدی اسے بے بسی سے دیکھ رہا تھااور سلیم کے ہونٹوں پر شرارت آمیز مسکراہٹ کھیل رہی تھی۔
” خیر خیر کوئی بات نہیں “ فریدی نے سنبھل کر بولا” لیکن آج تم نے ڈاکٹرشوکت کو قتل کرنے کی جو کوشش کی ہیں وہ خود میں نے دیکھی ہیں ڈاکٹرشوکت کی کار میں نے ہی بگاڑی تھیمیں یہ پہلے سے جانتا تھا کہ اس وقت کوٹھی میں کوئی کار موجود نہیں تھی میں دراصل اسے پیدل لے جانا چاہتا تھا۔ محض یہ دیکھنے کےلئے کہ حقیقتا سازشی کون ہے۔کیا تم نے اس سے کار کابہانہ کرکے وہاں سے نہیں ٹل گئے تھےکیا تم نے پروفیسر کوزہریلی سوئی دے کر شوکت کے ہاتھ میں چبھو دینے پر آمادہ نہیں کیا تھاجب تم نے اس کے گلے میں پھنداڈالا تھا۔

Go to Page:

*    *    *

Go to Page :

Download the PDF version for Offline Reading. (Downloads )

(use right mouse button and choose "save target as" OR "save link as")

A PDF Reader Software (Acrobat OR Foxit PDF Reader) is needed for view and read these Digital PDF E-Books.

Click on the image below to download Adobe Acrobat Reader 5.0

[ Link Us ]      [ Contact Us ]      [ FAQs ]      [ Home ]      [ FB Group ]      [ kitaabghar.org ]   [ Search ]      [ About Us ]