|
ڈاکٹر شوکت کے چلے جانے کے بعد انہوںنے ملازمہ سے کہا۔ ” میرے کمرے میں قندیل مت
جلانا۔ میں آج شوکت کے کمرے میں سو ﺅں گی۔ وہ آج رات بھر تھکتا رہے گا میں نہیں
چاہتی کہ جب وہ صبح کو آئے تو اپنے بستر کو برف کی طرح ٹھنڈا اور یخ پائے جاﺅ جاکر
اس کا بستر بچھادو۔“
نو جواں خادمہ انہیں حیرت سے دیکھ رہی تھی ۔ آج پہلی بار اس نے اس قسم کی گفتگو
کرتے سناتھا۔ جو پر معنی بھی تھی اور مضحکہ خیز بھی ۔ وہ کچھ کہنا ہی چاہتی تھی کہ
پھراسے ایک مامتا بھرے دل کی جھلک سمجھ کر خاموش ہو رہی۔
”کیا سوچ رہی ہو۔“ سیتا دیوی بولیں!
” تو کیاآج رات ہم تنہا رہیں گے؟ “ خادمہ اپنی آواز دھیمی کرکے بولی۔” وہ شخص آج
پھر آیا تھا۔“
”کون شخص؟“
” میں نہیں جانتی کہ و ہ کون ہے لیکن میںنے کل رات کو بھی اس کو باغ میں چھپ کر
چلتے دیکھا تھا۔ کل تو میں سمجھی تھی کہ شاید و ہ کوئی راستہ بھولا ہو ا راہگیر
ہوگا مگر آج چھ بجے کے قریب وہ پھر دکھائی دیا تھا۔“
” اچھا“ سیتا دیوی سوچ کر بولیں ۔” وہ شاید ہماری مرغیوں کی تاک میں ہے میں صبح ہی
تھانے کے دیوان سے کہوں گی،“
سیتا دیوی نے یہ کہہ کر اس کو اطمینان دلا دیا۔ لیکن خود الجھن میں پڑ گئیں۔ آخر یہ
پر اسرار آدمی ان کی کو ٹھی کے گرد کیوں منڈلاتا رہتا ہے۔ انہیں اپنے مذہبی
ٹھیکیداروںکی دھمکی اچھی طرح یاد تھی۔ لیکن اتنے عرصے کے بعد ان کی طرف سے بھی کوئی
خطرناک اقدام کوئی خاص معنی نہ رکھتا تھا۔اس قسم کی نہ جانے کتنی گتھیاں ان کے ذہن
میں رینگتی تھیں۔ آخر کار تھک ہار کر تسکین قلب کے لئے انہیں اپنے پہلے خیال کی طرف
لوٹ آنا پڑا۔ ےعنی وہ شخص کوئی معمولی چور تھا جسے ان کی مرغیا ں پسند آگئیں تھیں
جیسے ہی تھانے کے گھنٹے نے دس بجائے وہ سونے کےلئے ڈاکٹر شوکت کے کمرے میں چلی گئیں،
انہوں نے رات کا کھانا بھی نہیں کھایا ۔
خادمہ انکی افتاد طبع سے واقف تھی۔ اس لئے اس نے زیادہ اصراربھی نہیں کیا۔ تھوڑی
دیر کے بعد وہ بھی سونے کے لئے کمرے میں چلی گئی وہ لیٹنے ہی والی تھی کہ اس نے صدر
دروازے کو دھماکے کے ساتھ بند ہوتے سنا۔ اسے خیال پیدا ہوا کہ ڈاکٹر شوکت خلاف توقع
واپس آگیا ہے۔ وہ برآمدے میں نکل آئی۔ باغ میں سیتا دیوی کی غصیلی آواز سنائی د ی ۔
وہ کسی مرد سے تیز لہجے میں بات کر رہی تھیں۔ وہ حیرت سے سننے لگی ۔ وہ ابھی باہر
جانے کا ارادہ ہی کر رہی تھی کہ سیتا دیوی بڑبڑاتی ہوئی آتیں دکھائی دیں۔
”تم “ وہ بولیں۔ ” ارے لڑکی تو کیوں اپنی جان کے پیچھے پڑی ہوئی ہے اس سردی میں
بغیر کمبل اوڑھے باہر نکل آئی ہے نہ جانے کیسی ہیں آج کل کی لڑکیاں ۔“
” کون تھا۔ “ خادمہ نے ان کی بات سنی ان سنی کرتے ہوئے پوچھا۔
” وہی آدمی تو نہیں تھا۔“ خادمہ نے خوفزدہ ہو کر پوچھا۔
” نہیں وہ نہیں تھا۔سردی بہت ہے صبح بتاﺅں گی اچھا اب جاﺅ۔“
خادمہ متحیرہوتی چلی گئی ۔ ہرچند اس واقعہ کی کوئی اہمیت نہ رہی ہو۔ لیکن یہ اسے حد
درجہ پر اسرار معلوم ہو رہاتھا تھوڑی دیر کے بعد وہ خراٹے لینے لگی۔
دوسرے دن صبح آٹھ بجے جب ڈاکٹر شوکت واپس آیا تو اس نے ملازمہ کو حد درجہ پریشانی
اور سراسیمگی کی حالت میں پایا۔ پوچھنے پر معلوم ہوا کہ سیتا دیوی خلاف معمول ابھی
سو رہی ہیں۔ حالانکہ ان کا روزانہ کا معمول تھا کہ صبح تقریباً پانچ ہی بجے سے اٹھ
کر پوجا پاٹھ کے انتظام میں مشغول ہوجایا کرتی تھیں۔ شوکت کوبھی اس واقعہ سے تشویش
ہو گئی ۔لیکن اس نے سوچا کہ شاید رات میںزیادہ دیر تک جاگی ہوں
گی۔
|
