|
تب بھی میں تم سے تھوڑی دور کے فاصلے پر موجود تھا اور میں نے ہی
شوکت کو بچایا تھا۔“
” نہ جانے تم کونسی داستانِ امیر حمزہ بیان کر رہے ہو۔“سلیم نے اکتا کر کہا۔عقل
مندآدمی ذرا سوچو توآخر میں ڈاکٹر شوکت کی جان کیوں لیناچاہوں گا۔جب کہ وہ میرے لئے
قطعی اجنبی ہے تم کہو گے کہ میں نے ایسا محض صرف اس لئے کیا ہے کے چچا جان جانبر
نہیں ہوسکیں لیکن ایسا سوچناحماقت ہوگی اگر ایسا ہو تا تو میں پہلے ہی ان کا خاتمہ
کر دیتا اور کسی کو خبر تک نہ ہوتی“
” کیا کہا شوکت تمہارے لئے اجنبی ہے۔“ فریدی نے معنی خیز مسکراہٹ کے ساتھ کہا۔” تم
اس کے لئے اجنبی ہو سکتے ہو لیکن وہ تمہارے لئے نہیں۔کیا بتاﺅں کہ تم اس کی جان
کیوں لیناچاہتے ہو۔“
فریدی کے الفاظ کا اثر حیرت انگیز تھا۔ سلیم پھرسست پڑ گیااس کی آنکھوں سے خوف کا
اظہار ہو رہاتھا۔اس کے ذہن میں خوف اور دلیری باہمی کش مکش میں مبتلا تھےآخر کار اس
نے خوف پرقابوپالیا۔
” آخر تم کیاچاہتے ہو؟ اس نے فریدی سے کہا۔
” تم کو قانون کے حوالے کرنا۔“
”لیکن کس قانون کی رو سے۔“
” تم نے ابھی ابھی اپنے جرموں کا اعتراف کیا ہے۔“
” اچھا چلو یہی سہی“ وہ فریدی کی گھبراہٹ سے لطف اندوز ہوتا ہوا بولا۔ ” لیکن
تمہارے پاس کیا ثبوت ہے کہ میں نے اقبال جرم کیا ہے عدالت میں تم گواہ کی حیثیت سے
کسے پیش کروگے جب کے یہاں میرے اور تمہارے سوا کوئی تیسرا نہیں دیکھو مسٹر فریدی
مجھے جھانسا دینا آسان کام نہیں ۔ تم اس طرح عدالت میں میرے خلاف مقدمہ چلا کر
کامیاب نہیں ہوسکتے۔“
” تب تو مجھ سے بڑی غلطی ہوئی۔“ فریدی نے ہاتھ ملتے ہوئے بے بسی سے کہا۔” کاش میں
سار جنٹ حمید کوبھی یہاں لایا ہوتا۔“
سلیم نے زوردار قہقہہ لگایا اور بولا۔” ابھی کچے ہو مسٹر جاسوس ۔“
” اُف میرے خدایا“ فریدی نے بوکھلا کر کہنا شروع کیا۔ لیکن تم نے ابھی میرے سامنے
اقبالِ جرم کیاہے کہ تمقق قاتل ہو“
”ہکلاﺅ نہیں پیارے ۔“ سلیم بے ساختہ ہنستا ہو ابولا” لو میں ایک بار پھر اقبالِ جرم
کرتا ہوں کہ میں نے ہی شوکت کو قتل کرنے یا کرانے کی کوشش کی تھی میں نے ہی نیپالی
کوبھی قتل کیاتھا۔میں نے تم پربھی گولیاں برسائیں تھیں۔ لیکن پھر کیا؟ تم میرا کیا
کرسکتے ہو میں ایک خطاب یافتہ خاندان کا فرد ہوں راج روپ نگر کا ہونے والا نواب۔
تمہاری بکواس پر کسے یقین آئےگا“
” بہت اچھے برخوردار“ فریدی نے ہنستے ہوئے کہا۔” بہت عقل مند ہو ۔لیکن واضح رہے کہ
اب تم نے جو اقبالِ جرم کیا ہے وہ پاگل پروفیسر کے سامنے نہیں بلکہ محکمہ سراغرسانی
کے انسپکٹر فریدی کے سامنے کیاہے۔“
”تو پھراس سے کیامیں ہزار مرتبہ اقبالِ جرم کر سکتا ہوں کیونکہ یہاں تمہارے اورمیرے
سوا کون ہے کہو تو ایک بار پھر دوہرا دوں۔“سلیم نے قہقہہ لگا کر کہا۔
”بس بس کافی ہے“ فریدی نے جلی ہوئی سگریٹ کا ٹکرا پھینکتے ہوئے کہا” تم فریدی کو
نہیں جانتے اادھر دیکھو اس الماری میں لیکن نہیں تمہیں نہیں دکھائی دیتا ٹھہرو میں
موم بتی اٹھاتا ہوںدیکھو بیٹا سلیم یہ ایک بہت زےادہ طاقت ور ٹرانسمیٹر ہے اور ابھی
حال ہی کی ایجادہے۔ایک مختصر سی بیٹری اسے چلانے کے لئے کافی ہوتی ہے کیاسمجھے اس
کے ذریعے میری اور تمہاری آوازیں محکمہ سراغرسا نی دفتر تک پہنچ رہی ہونگیں اورا
نکا باقاعدہ ریکارڈ لیا جا رہا ہو گا میں اچھی طرح جانتا تھا کہ تم معمولی ذہانت کے
مجرم نہیں ہو۔
|
