|
آپریشن والی رات کو سارجنٹ حمید بھی وہاں آگیا فریدی نے اسے پروفیسر کو بہلا
پھسلاکر مالی کے جھونپڑے تک لانے کے لئے تعینات کر دیااس کیلئے پوری اسکیم پہلے ہی
مرتب ہو چکی تھی۔حمید نے پروفیسر کو کوکین فروشوں کے گروہ کے ایک نمائندے کی حیثیت
سے ملاقات کی ، اور اسے کو کین دینے کا لالچ دلاکر مالی جھونپڑے تک لایا۔ یہاں اسے
کو کین میں کوئی تیز قسم کی نشےلی چیز دی گئی جس کے اثر سے پروفیسر بہت جلد بے ہوش
ہوگیااس کے بعد انسپکٹر فریدی نے اس کے کپڑے خود پہن لئے اور ٹرانسمیٹرکو گٹھڑی میں
باندھ کر جھونپڑے سے نکل گیا۔ جھونپڑے کے باہر جس نے اچھل کود مچائی تھی و ہ
انسپکٹر فریدی ہی تھا۔
اب فریدی کو گئے ہوئے کافی عرصہ ہو گیا تو حمید کا دل گھبرانے لگا۔ اس نے سوچا کہ
کہیں کوئی حادثہ نہ پیش آگیا ہو ۔ہر چند کے فریدی نے اسے بے ہوش پروفیسر کو سوتا
چھوڑ کر کہیں جانے کی اجازت نہ دی تھی۔لیکن اس کا دل نہ ماناوہ پرو فیسر کو سوتا
چھوڑ کر پرانی کو ٹھی کی طرف روانہ ہو گیا۔مینار میں وہ اس وقت داخل ہو ا جب سلیم
جا چکا تھا۔ ٹرانسمیٹر چور چور ہوکر فرش پر بکھرا پڑا تھااور فریدی ابھی تک اسی طرح
پڑا تھا۔حمید بدقت تمام اپنی چیخ روک سکا۔اس نے دوڑ کر فریدی کو اٹھانے کی کوشش کی
وہ بے ہوش تھا۔ بظاہر کہیں کوئی چوٹ نہ معلوم ہوتی تھی۔تھوڑی دیر کے بعد کراہ کر اس
نے کر وٹ بدلی۔ حمید اسے ہلانے لگا وہ چونک کر اٹھ بیٹھا“
” تم “ اس نے آنکھیں ملتے ہوئے کہا۔” وہ مردود کہاں گیا؟“
” کون “
” وہی سلیم “ فریدی نے ہاتھ ملتے ہوئے کہا۔” افسوس ہاتھ آ کر نکل گیا۔“
پھر اس نے جلدی جلدی سارے واقعات بتا دئےے۔
” اس نے اپنی دانست میں مار ہی ڈالا تھا“ فریدی نے کہا” لیکن جیسے ہی اس نے گو لی
چلائی ۔ میں پھر ایک بار اسے دھوکا دینے کی کوشش کی ۔ لیکن برا ہو اس دور بین کا سب
کیا دھرا خاک میں مل گیا اگر میرا سر اس سے نہ ٹکرا جاتاتوپھر میں نے پالا مار لیا
تھاارے اس ٹرانسمیٹرکو کیا ہوا توڑدیا کم بخت نے۔ ایسا دلیر مجرم آج تک میری نظروں
سے نہیں گذرا“
” آئےے تو اسے تلاش کریں ۔“ حمید نے کہا۔
” پاگل ہوئے ہو ! اب تم اس کی گرد کو بھی نہیںپاسکتے۔ وہ معمولی ذہانت کا آدمی نہیں
“ فریدی نے اٹھتے ہوئے کہا” دیکھوں تو آپریشن کیا رہا“
اس نے دور بین کے شیشے سے آنکھ لگا دی تھوڑی دیر تک خاموش رہا۔
”ارے “ و ہ چونک کر بولا” یہ پائپ کے سہارے دیوار پر کون چڑھ رہا ہے۔“
” سلیم اس کا کیا مطلب ارے لو وہ کھڑکی کے قریب پہنچ گیا۔ یہ اس نے جیب سے کیا چیز
نکالیہیں یہ نلکی کیسیارے لو غضب وہ اس کی نلکی کو ہونٹوں میں دبا رہا ہے قتل قتل
حمید اب ڈاکٹر شوکت اتنی خاموشی سے قتل ہوجائے گاکہ اس کے قریب کھڑی نرس کو بھی اس
کی خبر نہ ہوگیاُف کیاکیا جائے جتنی دیر میں ہم وہاں پہنچےں گے وہ اپنا کام کر چکا
ہوگاکم بخت پستول بھی تو اپنے ساتھ لیتا گیا۔“
” پستول میرے پاس ہے۔“ حمید نے کہا۔
” لیکن بے کار اتنی دور سے پستول کس کام کااوہ کیا کیاجائےاس کی نلکی میں وہ زہریلی
سوئی ہے ابھی وہ ایک پھونک مارے گااور سوئی نلکی سے نکل کر ڈاکٹر شوکت کے جا لگے
گیاف میرے خدا اب کیا ہوگا وہ شاید نشانہ لے رہا ہے اوہ ٹھیک یاد آگیا میں نے وہ
رائفل نیچے دیکھی تھی۔ٹھہرو! میں ابھی آیا“ فریدی یہ کہہ کر دوڑتا ہوا نیچے چلا گیا
واپسی پر اس کے ہاتھ میں وہی چھوٹی سی رائفل تھی۔
|
