اچھا بس اب مجھے اجازت دیجئے۔“ وہ پھراس طرف گھوم گیا جس طرف سے آیا تھا۔
فریدی کے لےے واپس جانے کے سوا اور چارہ ہی کیا تھا۔
جب وہ پرانی کوٹھی کے پاس سے گذر رہا تھا تو یک بیک اس کی ہیٹ اچھل کر اس کی گود میں آرہی ۔ ہیٹ میں بڑا سا چھید ہو گیا تھا اس نے دل میں کہا ” بال بال بچے فریدی صاحب ۔ اب کبھی موٹر کی چھت گرا کر سفر نہ کرنا ابھی تو اس بے آواز رائفل نے تمہاری جان ہی لے لی تھی۔“تھوڑی دور چل کر اس نے کار روک لی ۔اور پرانی کوٹھی کی طرف واپس لوٹا مہندی کی باڑھ کی آڑھ سے اس نے دیکھا کہ پرانی کوٹھی کے باغ میں ایک عجیب الخلقت بوڑھا ایک چھوٹی نال والی طاقت ور رائفل لئے گلہریوں کے پیچھے دوڑرہا تھا۔
فریدی مہندی کی باڑھ پھلانگ کر اندر پہنچ گیا بوڑھا چونک کر اسے حیرت سے دیکھنے لگا۔ بوڑھے کو دیکھ کر ایسا محسوس ہوتا تھا۔ جیسے کوئی قبر کا مردہ قبر سے اٹھ کر آگیا ہو یا پھر جیسے وہ کوئی بھوت ہو اس کا رنگ ہلدی کی طرح پیلا تھا۔ بال کیا بھویں تک سفید ہو گئیں تھیں چہرہ لمبا تھا اور گالوں کی ہڈیاں ابھری ہوئی تھیں ۔ ڈاڑھی مونچھ صاف نظر آرہی تھی لیکن آنکھوں میں بلا کی چمک اور جسم میں حیرت انگیز پھر تیلا پن تھا۔ وہ اچھل کرفریدی کے قریب آگیا۔
”مجھ سے ملئے میں پروفیسر عمران ہوں ماہر فلکیات عمران اور آپ ؟“
” مجھے آپ کے نام سے دلچسپی نہیں “ فریدی اے گھور کر بولا ” میں تو اس خوفناک ہتھیار میں دلچسپی لے رہا ہوں جو آپ کے ہاتھ میں ہے۔“
” ہتھیار “ بوڑھے نے خوفناک قہقہ لگایا۔” یہ تو میری دور بین ہے“۔
” اوہ دور بین ہی سہی لیکن ابھی اس نے مجھے دوسری دنیا میں پہنچا دیا ہوتا۔“
فریدی نے اپنے ہیٹ کا سراغ اسے دکھایا اور پھر ہنس کر کہنے لگا۔
” شاید آپ ٹھیک کہہ رہے ہوں ۔ یہ واقعی رائفل ہی ہے۔ میں گلہریوں کا شکار کر رہا تھا۔ معافی چاہتا ہو ں اور اپنی دوستی کا ہاتھ آپ کی طرف بڑھاتا ہوں “ بوڑھے نے فریدی کا ہاتھ اپنے ہاتھ میں لے کرا س زور سے دبایا کہ اس کے ہاتھ کی ہڈیاں تک دکھنے لگیں ۔ اس نحیف الجثہ بوڑھے میں اتنی طاقت دیکھ کر فریدی بوکھلا سا گیا۔
” آئے اند ر چلئے آپ ایک اچھے دوست ثابت ہوسکتے ہیں۔“ وہ فریدی کا ہاتھ پکڑے ہوئے پرانی کوٹھی میں داخل ہوا۔
” آج کل گلہریوں اور دوسرے جانور میرا موضوع ہیں آئےے میں آپ کو ان کے نمونے دکھاﺅں“وہ فریدی کو ایک تاریک کمرے میں لے جاتا ہوا بولا۔ کمرے میں عجیب و غریب طرح کی ناخوشگوار سی بو پھیلی ہوئی تھی۔ بوڑھے نے کئی موم بتیاں جلائےں۔ کمرے میںچاروں طرف مردہ جانوروں کے ڈھانچے رکھے ہوئے تھے۔ بہت سے چھوٹے جانور کیلوں کی مدد سے لکڑی کے تختوں میں جکڑ دئے گئے تھے۔ ان میں سے کئی خرگوش اور کئی گلہریاں تو ابھی تک زندہ تھیں۔جن کی تڑپ بہت ہی خوفناک منظر پیش کر رہی تھی۔ کبھی کبھی کوئی خرگوش درد کی تکلیف سے چیخ اٹھتا تھا۔ فریدی کو اختلاج سا ہونے لگا۔ اور وہ گھبرا کر کمرے سے نکل آیا۔
” اب آےئے میں آپ کو اپنی آبزرویٹری دکھاﺅں ۔“ یہ کہہ کر وہ مینار کے زینوں پر چڑھنے لگا۔ فریدی بھی اس کے پیچھے پیچھے چل رہا تھا۔ مینار تقریباً پچیس فٹ چوڑا رہا ہوگا۔ آخر میں وہ ایک کمرے میںداخل ہوئے جو بالائی منزل پر تھا وہیں ایک کھڑکی میں دور بین نصب تھی۔
” یہاں آئےے “ وہ دور بین کے شیشے پر جھک کر بولا ۔” میں اس وقت نواب صاحب کی خواب گاہ کامنظر دیکھ رہا ہوں جیسے وہ یہاں سے صرف پانچ فٹ کے فاصلے پر ہو نواب صاحب چت لیٹے ہیں ان کے سر ہانے ان کی بھانجی بیٹھی ہےیہ لیجئے دیکھئے“
فریدی نے اپنی آنکھ شیشے سے لگادی سامنے والی کوٹھی کی کشادہ کھڑکی کھلی ہوئی تھی اور کمرے کامنظر صاف نظر آرہا تھا۔“

Go to Page:

*    *    *

 1   2   3   4   5   6   7   8   9   10   11   12   13   14   15   16   17   18   19   20   21   22   23   24   25   26   27   28   29   30   31   32   33   34   35   36   37   38   39   40   41   42   43   44   45   46   47 

Go to Page :

 1   2   3   4   5   6   7   8   9   10   11   12   13   14   15   16   17   18   19   20   21   22   23   24   25   26   27   28   29   30   31   32   33   34   35   36   37   38   39   40   41   42   43   44   45   46   47 

Download the PDF version for Offline Reading. (Downloads )

(use right mouse button and choose "save target as" OR "save link as")

A PDF Reader Software (Acrobat OR Foxit PDF Reader) is needed for view and read these Digital PDF E-Books.

Click on the image below to download Adobe Acrobat Reader 5.0

[ Link Us ]      [ Contact Us ]      [ FAQs ]      [ Home ]      [ FB Group ]      [ kitaabghar.org ]   [ Search ]      [ About Us ]