” کافی کا کسے ہوش ہے پھو پھی صاحبہ“ سلیم نے سگریٹ کو برآمدے میں بچھے ہوئے قالین پر گرا کر پیر سے رگڑتے ہوئے کہا۔” میں نجمہ سے زیادہ پریشان ہوں ۔ مجھے تعجب ہے کہ آپ ایسے وقت بھی کافی نہیں بھولیں ۔“
” تم ساری قالینوں کا ستیا ناس کروگے“بیگم صاحبہ نے ناک بھوں سکوڑ کر کہا۔” کیا سگریٹ کو دوسری طرف نہیں پھینک سکتے۔“
” جہنم میںگئی قالین“ وہ ناخوشگوار لہجے میں بولا۔” میرا دماغ اس وقت ٹھیک نہیں ۔“
” عورت نہ بنو“ بیگم صاحبہ نے طنزیہ لہجے میں کہا۔” ابھی کتنی دیر کی بات ہے کہ تم میری مخالفت کے باوجود بھی آپریشن کی حمایت کر رہے تھے۔ اپنی حالت کو سنبھالو ۔تمہیں تو ہم لوگو ں کو دلاسا دینا چاہیے۔“
” میں کوشش کرتا ہوں کہ خود کو سنبھا لوں لیکن یہ ممکن نہیں اسے کرنل تیواری کے الفاظ یاد آرہے ہیں۔ جس نے کہا تھا کہ بچنے کی امید نہیں آخر یہ احمق لڑکا کس امید پر آپریشن کر رہاہے۔ میرا مطلب یہ ہے کہ وہ خطرے کو جلد سے جلد قریب لانے کی کوشش کر رہا ہے۔“
” نہیں کنور صاحب “ ڈاکٹر توصیف نے بیمار کے کمرے سے نکلتے ہوئے کہا مجھے یقین ہو تا جا رہا ہے کہ وہ جلد سے جلد نواب صاحب کو خطرات سے دور کریگا۔“
” میں آپکا مطلب نہیں سمجھا“ سلیم اس کی طرف گھوم کر بولا ” کیا آپریشن شروع ہو گیا۔“
” نہیں ابھی وہ لوگ تیاری کر رہے ہیںاور میرا وہاں کوئی بھی کام نہیں میں اس لئے یہاں چلا آیا کہ میں یہاں زیادہ کارآمد ہوسکوںگا۔“ڈاکٹر توصیف نے مسکراتے ہوئے کہا
” آپ بہت اچھے ہیں ڈاکٹر ممی تو کافی ضبط و تحمل والی ہیں ۔ لیکن شاید مجھے اور سلیم کو جلد از جلد طبی امداد کی ضرورت پیش آئے گی مجھے یہ سن کرخوشی ہوئی کہ آپ اس نو جوان ڈاکٹر کی کامیابی پر اس قدر یقین رکھتے ہیں وہ کس قدر سنجیدہ اور مطمئن ہے۔“
اور ساتھ ہی ساتھ کافی خوبصورت بھی ۔“ سلیم نے کسی قدر تلخی سے کہا
” تم کیا بک رہے ہو سلیم“ بیگم صاحبہ تیزی سے بولیں اور نجمہ نے شرما کر سر جھکالیا۔
” معاف کیجئے گا پھو پھی صاحبہ میں بہت پریشان ہوں“ سلیم یہ کہہ کر ٹہلتا ہوا برآمدے کے دوسرے کنارے تک چلا گیا۔
” کنور صاحب میرے خیال سے بجلی کا انتظام بالکل ٹھیک ہوگا شاید ڈائنامو کی دیکھ بھال آ پ ہی کرتے ہیں“ ڈاکٹر توصیف نے کہا۔
” جی ہاں کیوں ڈائنامو بالکل ٹھیک چل رہا ہے لیکن اس کے پوچھنے کا مطلب“ سلیم نے ڈاکٹر کو گھورتے ہوئے پوچھا۔
” مطلب صاف ہے“ ڈاکٹر توصیف نے کہا۔ اگر خدا نخواستہ ڈائنامو فیل ہوگیا تو اندھیرے میں آپریشن کس طرح ہوگا ایک بڑے آپریشن کے لئے کافی احتیاط کی ضرورت ہوتی ہے۔“
” بظاہر تو ڈائنامو فیل ہونے کا کوئی امکان نہےں لیکن اگر فیل ہو ہی گیا تو میں کیا کر سکوں گا اف یہ ایک خطرناک خیال ہے اگر واقعی ایسا ہوگیا تو ڈاکٹر شوکت بڑی مصیبت میں پڑ جائےگا اوہ نہیں نہیں میرے خدا ایسا ہر گز نہیں ہوسکتا“ کنور سلیم کے چہرے پربے چینی کے آثار پیدا ہوگئے۔
اتنے میں ایک نو کر داخل ہوا
”کیوں کیا ہے“ سلیم نے اس سے پوچھا۔
” پروفیسر صاحب نیچے کھڑے ہیں آپ کو بلا رہے ہیں۔“ نو کر نے کہا“

Go to Page:

*    *    *

 1   2   3   4   5   6   7   8   9   10   11   12   13   14   15   16   17   18   19   20   21   22   23   24   25   26   27   28   29   30   31   32   33   34   35   36   37   38   39   40   41   42   43   44   45   46   47 

Go to Page :

 1   2   3   4   5   6   7   8   9   10   11   12   13   14   15   16   17   18   19   20   21   22   23   24   25   26   27   28   29   30   31   32   33   34   35   36   37   38   39   40   41   42   43   44   45   46   47 

Download the PDF version for Offline Reading. (Downloads )

(use right mouse button and choose "save target as" OR "save link as")

A PDF Reader Software (Acrobat OR Foxit PDF Reader) is needed for view and read these Digital PDF E-Books.

Click on the image below to download Adobe Acrobat Reader 5.0

[ Link Us ]      [ Contact Us ]      [ FAQs ]      [ Home ]      [ FB Group ]      [ kitaabghar.org ]   [ Search ]      [ About Us ]