” تا وقتیکہ کوکین فروشوں کا گروہ گرفتار نہ ہوجائے ضمانت بھی نہیں ہوسکتی۔“ فرید ی نے کہا۔” لیکن میں اسے بچانے کی حتی الامکان کوشش کروں گا ۔“
” اچھا بھئی اب تم لوگ جاکرچائے پیو ارے ہاں ایک بات تو بھول ہی گیااگلے مہینے شوکت اور نجمہ کی شادی ہو رہی ہے نواب صاحب نے نجمہ اور شوکت کو دیکھتے ہوئے کہا۔” ابھی سے کہے دیتا ہوں۔فریدی میاں کہ تمہیں اور حمید صاحب کو شادی سے ایک ہفتہ قبل ہی چھٹی لے کر یہاں آجانا پڑے گا۔“
” ضرور ضرور ۔“ فریدی نے دونوں کی طرف دیکھتے ہوئے کہا۔” مبارک ہو۔“نجمہ اور شوکت نے شرما کر سرجھکا لیا۔
تھوڑی دیر کے بعد چاروں ڈرائینگ روم میں بیٹھے چائے پی رہے تھے۔
” بھئی فریدی تم کب شادی کر رہے ہو؟ڈاکٹر شوکت نے چائے کا گھو نٹ لے کر پیالی میز پر رکھتے ہوئے کہا۔
” کس کی شادی۔“ فریدی مسکر اکر بولا۔
” اپنی بھئی۔“
” اوہ میری شادی“ فریدی نے ہنس کر کہا۔” سنو میاں شوکت اگر میری شادی ہوتی تو تمہاری کی نوبت ہی نہیں آتی۔“
” وہ کیسے؟“
” سیدھی سی بات ہےاگر میری شادی ہوگئی ہوتی تو میںبچوں کودودھ پلاتا یا سراغرسانی کرتامیرا ذاتی خیال ہے کہ کوئی شادی شدہ شخص کامیاب جاسوسی کر ہی نہیں سکتا۔“
” تب تومجھے ابھی سے استغفیٰ دینا چاہیے میں شادی کے بغیر زندہ نہیں رہ سکتا۔“ حمید نے اتنی معصومیت سے کہاکہ سب ہنسنے لگے۔
” تو پھر کیا تم ساری زندگی کنوارے ہی رہوگے۔“ شوکت نے کہا۔
”ارادہ تو یہی ہے۔“ فریدی نے سگار سلگاتے ہوئے کہا۔
” بھئی تم بری طرح سگار پیتے ہو تمہارے پھیپھڑا بالکل سیاہ ہوگیاہو گا۔“ڈاکٹر شوکت نے کہا۔
”اگر سگار بھی نہ پیوں تو پھر زندگی میں رہ ہی کیا جائے گا۔“
” تو یہ کہئے سگار ہی شریک زندگی ہے“ نجمہ ہنس کر بولی۔
حمید قہقہہ مار کر ہنسنے لگا بقیہ لوگ صرف مسکرا کر رہ گئے، حالانکہ یہ کوئی ایسا پر مزاق جملہ نہیں تھا۔ لیکن فریدی حمید کی عادات سے واقف تھا ۔ وہ عورتوں کے پھوہڑ جملوں پر خوب محظوظ ہو اکرتا تھا۔
” ہاں بھئی فریدی یہ تو بتاﺅ تم مرے کس طرح تھے۔مجھے یہ آج تک معلوم نہ سکا۔“ڈاکٹر شوکت نے پوچھا۔
” یہ ایک لمبی داستان ہے۔ لیکن میں مختصر بتاو ¿ںگا۔ مجھے شروع ہی سے سلیم پر شبہ تھا۔ لیکن میں نے شروع ہی میں ایک بنیادی غلطی کی تھی جس کی بناءپر مجھے مرنا پڑا۔ حلانکہ میں پہلے سے جانتا تھا کہ نیپالی کا قاتل ہم لوگوں کا پیچھا کر رہا ہے۔ اور ہم لوگوں کو اچھی طرح پہچانتا ہے۔اس سلسلے میں مجھ سے جو غلطی ہوئی وہ یہ تھی کہ میں سلیم سے رپورٹر کے بھیس میں ملا تھا۔وہ مجھے پہچان گیا اور اس نے واپسی پر مجھے ہوائی رائفل سے فائر کیا لیکن ناکام رہا اس نے رائفل پروفیسرکے ہاتھ میں تھمادی اور خود غائب ہوگیا ۔ پروفیسر کے متعلق تو تم جانتے ہو کہ وہ کچھ خبطی سا واقع ہوا ہے۔سلیم اسے اپنا آلہ کار بنائے ہوئے تھا۔ کئی سال کی بات ہے جب پروفیسر یہاں نہیں آیا تھا اچھا خاصا تھا وہ ان دنوں ایک تجربہ کر رہا تھا۔ اس نے چاند کاسفر کرنے کے لئے ایک غبارہ بنایا تھا۔ تجربے کے لئے اس نے پہلی بار اپنے اسسٹنٹ نعیم کو اس غبارے میں بٹھاکر اڑایا۔

Go to Page:

*    *    *

 1   2   3   4   5   6   7   8   9   10   11   12   13   14   15   16   17   18   19   20   21   22   23   24   25   26   27   28   29   30   31   32   33   34   35   36   37   38   39   40   41   42   43   44   45   46   47 

Go to Page :

 1   2   3   4   5   6   7   8   9   10   11   12   13   14   15   16   17   18   19   20   21   22   23   24   25   26   27   28   29   30   31   32   33   34   35   36   37   38   39   40   41   42   43   44   45   46   47 

Download the PDF version for Offline Reading. (Downloads )

(use right mouse button and choose "save target as" OR "save link as")

A PDF Reader Software (Acrobat OR Foxit PDF Reader) is needed for view and read these Digital PDF E-Books.

Click on the image below to download Adobe Acrobat Reader 5.0

[ Link Us ]      [ Contact Us ]      [ FAQs ]      [ Home ]      [ FB Group ]      [ kitaabghar.org ]   [ Search ]      [ About Us ]